ए खिडकीतून दिसणा-या पावसा...
तुझ्या सरींची सरगम किती सुरेल आहे रे!
तुला माहितीय का तू संगीतकार आहेस ते?
पार वरच्या मजल्यावरुन तुला पाहताना ऐकू येणारा तुझा मंद नाद
चाळीतल्या घराघरांच्या छपरांवर निनादणा-या तुझ्या धारा
झोपड्यांच्या छतांतून गळणा-या थेंबांची खालच्या भांड्यात होणारी टपटप
शेंड्यावरच्या पानांवरुन खाली गळून पडलेल्या पानापर्यंत वाहताना
पानोपानी तुझा बदलत जाणारा स्वर...
नदीत, समुद्रात, तळ्यात, रानात, रस्त्यावरच्या खड्ड्यांमध्ये कोसळताना
प्रत्येकवेळी तुझ्यातून उमटणारी धून निराळी असते
तू प्रत्येक वेळी वेगळा ऐकू येतोस
मीही ऐकू येत असेन का रे असाच वेगळा?
माझ्यातूनही बरसावेत असे मंदमधुर नाद
स्वतःला चिंब भिजवून टाकता यावं मला
बरसण्याच्या आनंदात तू विसरत असशील ना स्वतःला!
मग मलाही बरसू दे!
निदान एका क्षणासाठी!
तुझ्या सरींची सरगम किती सुरेल आहे रे!
तुला माहितीय का तू संगीतकार आहेस ते?
पार वरच्या मजल्यावरुन तुला पाहताना ऐकू येणारा तुझा मंद नाद
चाळीतल्या घराघरांच्या छपरांवर निनादणा-या तुझ्या धारा
झोपड्यांच्या छतांतून गळणा-या थेंबांची खालच्या भांड्यात होणारी टपटप
शेंड्यावरच्या पानांवरुन खाली गळून पडलेल्या पानापर्यंत वाहताना
पानोपानी तुझा बदलत जाणारा स्वर...
नदीत, समुद्रात, तळ्यात, रानात, रस्त्यावरच्या खड्ड्यांमध्ये कोसळताना
प्रत्येकवेळी तुझ्यातून उमटणारी धून निराळी असते
तू प्रत्येक वेळी वेगळा ऐकू येतोस
मीही ऐकू येत असेन का रे असाच वेगळा?
माझ्यातूनही बरसावेत असे मंदमधुर नाद
स्वतःला चिंब भिजवून टाकता यावं मला
बरसण्याच्या आनंदात तू विसरत असशील ना स्वतःला!
मग मलाही बरसू दे!
निदान एका क्षणासाठी!
No comments:
Post a Comment