शिदोरी

रंगल्‍या आकाशाची छाया
पडे मनावरी माझ्या
भावगंध तो दाटला
त्‍याच्‍या काठी विसावून

चांद डोईवर त्‍याच्‍या
सखे शेजारी तू माझ्या
माझी भरती का तो पाहे
अनिमिष नेत्रांनी

मंदावला तो वारा
की मंदावला हा श्‍वास?
तुझ्या येण्‍याची ती आस
कधी मिटेल का गं सये?

ऊनपावसाचा खेळ
रंगे माझीया मनात
स्‍वस्‍थ-अस्‍वस्‍थतेचा भार
मी क्षणाक्षणा वाहे

मी ऐकी आठवांना तुझ्या
तू पुसशी माझ्या आठवांना
हे क्षण सोबतीचे तुझ्या
सखे आठवणी उद्याच्‍या माझ्या...