सूर मागू तुला मी कसा?
जीवना तू तसा, मी असा!
तू मला, मी तुला पाहिले,
एकमेकांस न्याहाळिले,
- दुःख माझातुझा आरसा!
एकदाही मनासारखा
तू न झालास माझा सखा;
- खेळलो खेळ झाला जसा!
खूप झाले तुझे बोलणे,
खूप झाले तुझे कोपणे;
- मी तरीही जसाच्या तसा!
रंग सारे तुझे झेलुनी,
शाप सारे तुझे घेउनी
- हिंडतो मीच वेडापिसा!
काय मागून काही मिळे?
का तुला गीत माझे कळे?
व्यर्थ हा अमृताचा वसा!
- सुरेश भट
जीवना तू तसा, मी असा!
तू मला, मी तुला पाहिले,
एकमेकांस न्याहाळिले,
- दुःख माझातुझा आरसा!
एकदाही मनासारखा
तू न झालास माझा सखा;
- खेळलो खेळ झाला जसा!
खूप झाले तुझे बोलणे,
खूप झाले तुझे कोपणे;
- मी तरीही जसाच्या तसा!
रंग सारे तुझे झेलुनी,
शाप सारे तुझे घेउनी
- हिंडतो मीच वेडापिसा!
काय मागून काही मिळे?
का तुला गीत माझे कळे?
व्यर्थ हा अमृताचा वसा!
- सुरेश भट
No comments:
Post a Comment