सांगू कसा शब्दात मी?
चार घटीका संपल्या
तू चालली संपूर्णतेकडे
ही ओढ कैसी दाटे उरी
मज वाटते तू जवळी असावी
अळवावरच्या थेंबापरी
ना स्पर्शण्याचा हट्ट असे
ना स्वामीत्वाची आस ती
तू बैस माझ्या संगे जरा
थांबे युगांतराचा श्वासही!
तू घरंगळशी मंदगतीने
माझ्यात असुनी नसल्यापरी
मी अभागी राहिलो बघ
अतृप्त ओल्या पावसातही
तू सखे द्वार माझ्या
आजन्म तिष्ठलो त्या मुक्ततेचे
तू उंब-यात रोखले मज
अन् मी त्याजली दुनिया तिथे
थांबशील का तू चार घटका?
थोडा अर्थ मजला लाभू दे
पण थेंब होवुनी घुटमळे तू
झेप घेण्या सरोवराकडे!
प्रश्न पडे मी का नाही सरोवर?
का नाही मी तू आहे जिथे?
का वेगळी तू माझ्यातुनी?
का वेगळे अस्तित्व हे?
तू चालली संपूर्णतेकडे
तव स्पर्श लाभूनीही कोरडा दिसे मी...
अजी कोरडा राहिलो कुठे?
No comments:
Post a Comment