'धर्मरेषा ओलांडताना' हे हिनाचं पुस्तक पुण्यातील 'साधना' प्रकाशनच्या कार्यालयात व्हॅलेन्टाईन्स डे च्या गोड मुहूर्तावर प्रकाशित झालं. विषय, विचार, लेखन अशा सगळ्याच तऱ्हेने हिनाचं-साधनाचं हे पुस्तक महत्त्वाचं आहे. तिने लिहिलेलं पुस्तकातील मनोगत मला खूप विशेष वाटलं. कन्टेन्टच्या पलीकडे जात लेखनाचा ओघ, मांडणी, संयतता, लिखाणातील तोल आणि फर्मनेस अशा बऱ्याच पातळ्यांवर ते प्रभावी आहे. ते वाचत असताना आपली ही हुशार मैत्रिण इतकं भारी लिहू लागली असल्याचं नव्याने जाणवलं आणि खूप ऊबदार फिलिंग येतं गेलं. ते मनोगत वाचकांशी बोलतं! एखाद्या प्रेमपत्रासारखं! पुस्तक ज्या विचारसरणीतून-धडपडीतून घडलं तो विचार विशेष आहेच, पण त्या सोबत हे पुस्तक जो परिणाम करू पाहतंय तो देखील तितकाच महत्वाचा आहे. प्रेमाबद्दलचा विचार आणि विश्वास डेव्हलप करणारं हे पुस्तक तुम्ही जरुर विकत घ्या. पुस्तक अमेझॉन किंडलवर ईबुक स्वरूपात उपलब्ध आहे.
मी आजवर पाहिलेला हा पहिलाच अस्सल अनौपचारिक कार्यक्रम. कार्यक्रम रंगतदार झाला तो साधनाचे संपादक विनोदी शिरसाठ यांच्या सहजसोप्या संवादाने. पुस्तक प्रकाशन कोणाच्या हस्ते करायचे आहे हे कार्यक्रम सुरू झाला तरी ठरलं नव्हतं. पुस्तकात जिच्यावर लेख आहे ती प्रज्ञा केळकर सिंग तिथे उपस्थित असलेली दिसली आणि तिच्याच हस्ते प्रकाशन करायचं ठरवलं. केलं देखील! उपस्थित असलेली यच्चयावत मंडळी स्वतःच्या ओळखीसह हे पुस्तक, हिना आणि तिचं लेखन याबद्दल मनमोकळेपणानं बोलले. साधनाच्या सुहास पाटील याने साने गुरुजींची प्रार्थना सुरेल गायली. त्यानंतर आम्ही छान छान फोटो काढले. कालचा कार्यक्रम नितळ आनंद देणारा होता.
धर्मरेषा ओलांडताना
आंतरधर्मीय विवाहितांच्या मुलाखती
संवादक - हिनाकौसर खान
साधना प्रकाशन
पृष्ठसंख्या - 222
मूल्य - 300 रुपये
संपर्क - 020 24459635 / 70582 86753
No comments:
Post a Comment