तुझ्या स्वप्नात होतो मी

छान निवांत झोपलीयस तू... 😌
मी येऊन तुला पाहून गेलो आत्ताच
डोक्यावरुन अलगद हात फिरवला होता मी
तुझी झोप थोडी चाळवली, तसा मागे सरलो
मिटल्या डोळ्यांनी तू माझं स्वप्नं पाहत असशील का?
सहजच विचार येऊन गेला मनात
पण स्वप्न मोडलं, जाग आली
आणि तुला मी असा प्रत्यक्षात दिसलो तर
दचकशील? की खूश होशील?
माझा हात धरशील? मला जवळ घेशील?
की माझ्या ओठांवर तुझी मोहर उठवशील?
मीच शहारत चाललोय या विचारानं
आवाज न करता
गुपचूप आल्या पावली परत फिरलो
जाग आली, डोळे उघडले,
तुझ्या स्वप्नात होतो मी
तुझ्या-माझ्यासोबत...